السلام عليكم ورحمة الله وبركاته

في موضوع عايزة اطرحه من زمان للنقاش هنا واتمنى الاقي منكم تجاوب

هوا احنا ليه مبنتكلمش في السياسة ؟؟

ولا في القضايا اللي بتثير الرأي العام ؟؟

قليل اوي

ليه مفيش في القسم الخاص بالامور دي نشاط زي قسم الالعاب

ليه محدش بيشارك كتير

ليه قسم كلام في الحب في مواضيع ومشاركات اكتر

ليه محدش بيدخل قسم المناقشات الجادة والصريحة الا قليل

ومحدش بيرد الا قليل بردو

معقول مفيش حد فعلا عنده مواضيع هامة نتناقش فيها

ولا في موضوع بيستمر مفتوح كتير ؟؟ ليه ؟؟

يعني لعبة اٍسأل اللي بعدك سؤال في الحب بقالها كتير مفتوحة
ولعب كتييير جداااا في قسم الالعاب شغالة ليل نهار

طيب ليه وقت الجد محدش بيرد؟

هوا المنتدى للحب بس او للعب بس عند بعض الناس؟

ليه ميبقاش الوقت على المنتدى ضحك ولعب وجد وحب
ليه ضحك ولعب وحب وبس؟؟!!!

انا حاسة ان في حد ممكن يضايق من كلامي

بس للاسف اضطريت انزل الموضوع دا بعد حبس دام اكتر من خمس ست شهور

وقعت بالكلام ولاقتني بكتب ومش عارفة الكلام دا يضايقكم ولا لأ

بس الدنيا فيها حاجات كتير ومشاكل كتير وناس كتير بتدخل وتقرا وممكن تستفيد بحاجة غير الحب واللعب والهزار

على فكرة انا لا اعفي نفسي من المسئولية

انا اصلا حسيت نفسي اتغيرت وبقيت بردو ضحك ولعب وحب وبس

بس فكرت شوية مع نفسي

في حاجات تانية متعة بردو ..... الدنيا والسياسة والدين والحياة مش تعقيد ومش حاجة بايخ اننا نتكلم فيها

عرفنا بعض اوي بس من ناحية واحدة

معرفناش بعض وقت الجد

فاهمني ؟

اتمنى انكم تهتموا بالموضوع واشوف ردودكم
حتى لو حد يقولي بلاش هبل ووجع دماغ

احنا بندخل النت عشان ننسى مش عشان نوجع دماغنا